كوميديا ديانا و هي انا

السلام عليكم

اولاً اعرفكم على نفسي

اسمي ديانا عمري 12 من الاردن

الكوميديا الخاصة بي

1_ كوميديا الموضة:-

بابا او ماما يقولوا يلا بدنا نطلع على المول او اي مكان اخي اسمه بهاء راح يلبس و بخلص

انا بروح البس بنفس الوقت بكون بالغرفة بطول الملابس و فجأة وين بلوزتي بروح اخرب كل الملابس عشان بلوزة هذا كله لأنه خزانتي فيها عجائب الدنيا اقصد عجائب الفوضى

بعدين بس الاقيها بلبسها و بعدين وين البنطلون باجي ادور عليه ولا بيقعوا كل الملابس

اه ....... شو هالحالة خلص بمشيها

و بلبس و صار وقت شعري

بروح عند المغسلة و بغرقه بالمي و برجع بمشطه

انا شعري ناعم بس ما بعرف بحب اغرقه بالمي

بطلع من الغرفة و لسا مو مخلصة اي اشي

يعني لازم قبل ما نطلع بساعة ابلش البس

2_ كوميديا الوصول للمول:-

خلصنا و وصلنا للمول باجي امشي مع ماما بالمول و اخي بهاء يمشي مع بابا

و لا بعمل حالي متأنقة و بمشي شوي شوي و لا فجأة الاقي علبة حليب قدام رجلي

و بصير مثل اللي فقدت الذاكرة مو عارفة امشي

و بتخرب المشية لاااااااااااااااااااااااا

اخي بضل يضحك علي و انا وجهي احمر و الناس يتفرجوا

3_ كوميديا الجلوس لتناول الطعام:-

بابا بروح يطلب اكل و احنا قاعدبن نستنى لحد ما يجي

لما يجي تبدى الكوميديا

مثلاً جاب دجاج كنتاكي مع سلطة

و انا عاملة حالي خبيرة اتكيت

باجي امسك الجاجة و بدي اكل مو عارفة كيف يا احطها و امسك خبزة و اكلها

او امسكها و اكل مثل المفجوعة

و بعدين بس اخلص اكل باجي بدي افتح الكاتشب عشان البطاطا

و ايدي مليانة زيت من الجاج و امسك الكاتسب و بدي افتحة و مو عارفة

بتصير في مصارعة حرة

4_كوميديا الامتحانات:-

مثلاً علي امتحان تاريخ بكون حافظة كل اشي و من ذكائي الخارق لما يجي وقت الامتحان فقدت الذاكرة و هذه الادعية لما افقد الذاكرة

يا رب رجعلي ذاكرتي و خليني احل صح

يا رب انا ذكية يعني وقت الامتحان نقص الذكاء

يا رب يزيد ذكائي

يا رب يطول وقت الامتحان عشان افكر

يا رب خليني افكر صح

لا بعد الادعية بترك الامتحان و بصير احكي مع نفسي ابصر ماما شو طابخة اليوم

هههههههههههه

5_ كوميديا الاستيقاظ من النوم:-

كل يوم لازم اصحا من النوم الصبح عشان اكل و اعمل كل اعمالي

كل يوم بضل نايمة و كل العائلة صحيت من زمان و انا بسابع نومة 

ماما بتحكي لبهاء انه يجي يصحيني يجي يحكي ديانا ديانا ديانا ديانا

انا طبعاً لسا نايمة هو يجي و يحكي لماما لسا ما صحيت ماما تحكيله حاول صحيها و احكيلها يلا عشان تاكلي

يجي هو و يحكي يلا ماما تحكيلك قومي

انا بصحا و بعمل حالي راح اقوم بس هو يطلع من الغرفة بحط حالي او برمي حالي و بنام

هو بيجي بيحكي دياااااااااااانااااااااااا يلاااااااا اصحي

ما بصحا

بعدين ماما تيجي و تصحيني و بصحا

ههههههههههه

اتمنى تعجبكم الكوميديا

;)